Xəbər verdiyimiz kimi, Gəncədə Heydər Əliyev prospektinin və onunla kəsişən əsas və köməkçi yolların asfalt örtüyünün yenilənməsi işləri ikinci dərəcəli və cəmi 200 metr uzunluğunda olan Teymur Hacıyev küçəsindən yan keçib.
Gencexeber.az məlumat verir ki, sözügedən məsələdən narazı qalan sakinlərin şikayəti əsasında ictimailəşdirilən məlumata çevik reaksiya verən aidiyyəti qurumun canlı qüvvəsi və texnikası əraziyə cəlb edilib.
Dünəndən başlayan işlər bu gün də davam etdirilib. Əməkdaşlar xeyli məsafədə daşlı, qumlu yola asfalt örtüyü çəkərək həmin ərazidə yaşayan vətəndaşların sevincinə səbəb olublar.
