Gəncədə vətəndaşlar üçün əmək yarmarkası təşkil olunub. Bu haqda 28 fevral tarixində Kəpəz televiziyasına istinadən xəbər veririk.
Dövlət Məşğulluq Agentliyi Regional Məşğulluq filialı tərəfindən əmək yarmarkası keçirilib. Burada məqsəd sakinləri işlə təmin etmək və işəgötürənlərin lazımi kadrları seçməsinə dəstək olmaqdır. Yarmarkada 13 dövlət və özəl müəssisə tərəfindən ümumilikdə 113 vakant iş yeri təqdim olunub. Regional Məşğulluq filialı tərəfindən 13 minə yaxın şəxs işsiz və işaxtaran kimi qeydiyyatdadır.
İşə götürən bank kredit təşkilatının nümayəndəsi Ruslan Paşayevin sözlərinə görə, 4 vakant yer təqdim olunub, həmin yerlərdən 3-ü kredit mütəxəssisi, biri qrup rəhbəridir. Əməkhaqqı 350 manatdan 900 manatadək təşkil edir. Hal-hazırda vətəndaşlar CV-lərini bizə təqdim ediblər.
“Ümumən tendensiya ona doğru gedir ki, biz çalışırıq mümkün qədər yarmarkalar hər bir iş axtaran üçün, hər bir işsiz şəxs üçün daha əlçatan olsun”,- deyə Regional Məşğulluq filialının şöbə müdiri Pərviz Aslanov qeyd edib.
