Bu gün III MDB Oyunlarının bağlanış mərasimində iştirak edən ən kiçik iştirakçının 6 ayı tamam olur.
Məlum olduğu kimi, Gəncə stadionunda III MDB Oyunlarının bağlanış mərasimi keçirilib.
Gencexeber.az-ın məlumatına görə, Gəncə şəhər stadionunda təşkil edilən III MDB Oyunlarının bağlanış mərasimi yadda qalan məqamlarla müşayiət olunub.
Mərasimin ən kiçik iştirakçısı Gəncə şəhər sakini, Selina Elcan qızı Əskərova olub. 2025-ci ilin aprelin 11-də dünyaya gələn körpənin bu gün 6 aylıq yubileyidir. Onun iştirakçılığı bağlanış mərasiminin simvolik anlarından biri kimi dəyərləndirilib.
Qeyd edək ki, III MDB Oyunlarına 13 ölkədən 1 624 idmançı və 2 337 nümayəndə qatılıb.
Turnirdə Azərbaycanı 340, Pakistanı 4, Rusiyanı 262, Özbəkistanı 254, Belarusu 240, Qazaxıstanı 147, Tacikistanı 144, Qırğızıstanı 126, Türkmənistanı 48, Türkiyəni 38, Kubanı 11, Küveyti 6, Omanı isə 4 idmançı təmsil edib.
