Bu gün şəhid Fərhad Yusifovun doğum günüdür.
Fərhad Həmid oğlu Yusifov 30 noyabr 1947-ci ildə Goranboyun Kürəkçay kəndində anadan olub. O, 3 yaşında olanda ailəsi ilə birlikdə Gəncəyə köçüb. 20 nömrəli orta məktəbi bitirib. 1965-ci ildə həqiqi hərbi xidmətə çağırılıb və Kamçatkada qulluq edib.
1967-ci ildə hərbi xidmətdən qayıtdıqdan sonra Alüminium zavodunda əmək fəaliyyətinə başlayıb. 1991-ci ildə könüllü olaraq cəbhəyə yollanıb. O, Ağdam rayonunda gedən döyüşlərdə iştirak edib.
Fərhad Həmid oğlu Yusifov 4 sentyabr 1992-ci ildə Ağdərə bölgəsinin Çıldıran kəndi uğrunda gedən döyüşlərin birində şəhidlik zirvəsinə ucalıb.
Şəhidimiz Gəncə Şəhidlər xiyabanında dəfn edilib.
