Hacıkənd qəsəbəsindəki “Sələflər və Xələflər" parkında əsaslı təmir-bərpa işləri görülüb.
Gencexeber.az bildirir ki, Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən parkın ərazisində mövcud olan Nizami Gəncəvi, Məhsəti Gəncəvi, Mirzə Şəfi Vazeh, Əbül-Üla Gəncəvi, Qivami Gəncəvi, Usta Bəndər, Şeyx Zaman, Doktəri Xətibi Gəncəvi, Əfrasiyab və Ömər Gənci kimi ümumilikdə 17 tarixi şəxsiyyətin abidəsi təmir və restavrasiya olunub.
Bundan başqa parkın ərazisində oturacaqlar və zibil qutuları rənglənib, zədələnən döşəmə plitələr yenilənib.
Bir müddət əvvəl isə Hacıkənd qəsəbəsində və həmin sözügedən parkın ərazisində Mənzil Kommunal Təsərrüfatı İstehsalat Birliyi tərəfindən küçə işıqları əsaslı şəkildə təmir edilib.
