Gəncədə bir neçə müəssisədə qayda pozuntuları üzə çıxıb. Bu haqda 29 noyabr tarixində AQTA-ya istinadən məlumat veririk.
Azərbaycan Respublikasının Qida Təhlükəsizliyi Agentliyi (AQTA) müfəttişləri ictimai iaşə obyektlərində yoxlama keçiriblər. Nəticədə aşağıdakı müəssisələrdə nöqsanlar aşkarlanıb:
- Atatürk prospekti, ev 247 ünvanında yerləşən "Hatay" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;
- İsmət Qayıbov küçəsi, 3 ünvanında yerləşən "Köz Dönər" dönər evi - qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;
- Gülüstan qəsəbəsində yerləşən "Qril" dönər evi - qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;
- 4-cü mikrorayon, ev 1 ünvanında yerləşən "Milli Mətbəx" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;
- 4-cü mikrorayon, ev 1, mənzil 17 ünvanında yerləşən "Yarpaq Dönər" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;
- Təbriz küçəsi, ev 98 ünvanında yerləşən "Qaymaq" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu.
Aşkar edilmiş nöqsanların aradan qaldırılması üçün icrası məcburi göstərişlər verilib.
