Yunanıstanın paytaxtı Afinada keçirilən U17 dünya çempionatında uğurlu çıxış edən sərbəst güləşçimiz Hakim Tağıyev Şəmkirdə coşqu ilə qarşılanıb.
Gencexeber.az bildirir ki, qarşılanma mərasimində Şəmkir Rayon İcra Hakimiyyətinin, Şəmkir şəhər bələdiyyəsinin nümayəndələri, Şəmkir rayonu üzrə gənclər və idman sektoru və Şəmkir Uşaq Gənclər İdman Məktəbinin rəhbər heyəti, yerli idmançılar iştirak ediblər.
Qeyd edək ki, Şəmkir Uşaq Gənclər İdman Məktəbinin sərbəst güləş üzrə məşqçi-müəllimi Rakif Məmmədovun yetirməsi olan Hakim Tağıyev ölkəmizi 110 kq çəki dərəcəsində təmsil edib. İdmançımız bürünc medal uğrunda bolqarıstanlı Stefan Stefanova sonuncu xal prinsipinə əsasən (1:1) qalib gələrək U17 Avropa çempionatını 3-cü yerdə başa vurub.
Hakim Tağıyev qazandığı uğuru belə dəyərləndirib:
“Yarış əla keçdi. Bürünc medal qazandım. Daha yüksək nəticə də ola bilərdi. İnşallah, bundan da yaxşı hazırlaşıb, gələn il qızıl medal qazanacağam. Ailəmə, şəxsi məşqçimə və yığma komandanın məşqçilərinə minnətdaram”.
