Gəncəli sərbəst güləşçilər Azərbaycan birinciliyində uğurlu nəticə qazanıblar. Bu haqda 2 aprel tarixində Kəpəz televiziyasına istinadən xəbər veririk.
Yarış 15 yaşadək güləşçilər arasında keçirilib. Bakıda keçirilən yarışda 40-a yaxın idmançımız iştirak edib. Onların 7-si müxtəlif əyarlı medallara sahib çıxıb. Mükafatlardan 4-ü qızıl, 1-i gümüş, 2-si bürünc olub. Güləşçilərimizin nəticələri aşağıdakı kimidir:
- Ramal Məmmədoğlu 52 kiloqram çəki dərəcəsində I yer;
- Həsən Həsənov 57 kiloqram çəki dərəcəsində I yer;
- Musa Tağıyev 38 kiloqram çəki dərəcəsində I yer;
- İbrahim Həsənov 41 kiloqram çəki dərəcəsində I yer;
- Əliağa Süleymanov 44 kiloqram çəki dərəcəsində II yer;
- Binyamin Şükürov 48 kiloqram çəki dərəcəsində III yer;
- Tunar Quluyev 62 kiloqram çəki dərəcəsində III yer.
Azərbaycan çempionatında qalib olan güləşçilər Avropa çempionatında iştirak hüququ qazanıblar. Gəncədən də 4 güləşçi qitə yarışına yollanacaq. Sözügedən çempionat may ayında Yunanıstanda keçiriləcək.
