Yaxın günlərdə Gəncəyə 20-fən çox "Isuzu Novociti" markalı aztutumlu yeni avtobuslar gətirilib.
Gencexeber.az məlumat verir ki, nəqliyyat vasitələri əvvəlcə Bakıda yerləşən "Isuzu" avtosalonuna çatdırılıb, daha sonra isə Gəncəyə göndərilib. Bu nəqliyyat vasitələri ancaq şəhərin 2 və 8 nömrəli marşrut xətlərində istifadəyə veriləcək.
Ayrıca bildirək ki, sözügedən marşrutlar üzrə sərnişindaşımaları "BakuBus" şirkəti həyata keçirməyəcək.
Qeyd edək ki, "Isuzu Novociti" (digər adı "Novociti Life") — 2018-ci ildən "Anadolu Isuzu" şirkəti tərəfindən istehsal olunan, aşağı sinifli, aztutumlu şəhər avtobusudur. 8 metr uzunluğunda olan bu model dizel yanacağı ilə çalışır, salonunda 16–17 oturacaq olmaqla ümumilikdə 60 sərnişin daşımaq imkanına malikdir.
Bu tip avtobusların bazar qiyməti təxminən 215 min manat təşkil edir.
