Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin Gülçülük sahəsində yerləşən, müasir istixanalarında yerli mütəxəssislər tərəfindən becərilən payızlıq gül və kolların şəhərin müxtəlif ərazilərinə əkin prosesi davam etdirilir.
Gencexeber.az quruma istinadən bildirir ki, Gəncənin şərq istiqamətindən giriş hissəsində mövcud olan yol ayrıcı dairələrə xrizantema, bequnia və astra kimi mövsümü dekorativ gül-çiçəklər əkilib.
Güllərin daha uzunömürlü olması üçün əkindən öncə ərazilər torf və müxtəlif gübrələrlə zənginləşdirilib. Gül əkini Yaşıllaşdırma şöbəsinin əməkdaşları tərəfindən və birliyin texnikası vasitəsilə həyata keçirilib.
