Gəncənin Böyük Bağban ərazisindən keçən Təbriz küçəsindəki tıxac sürücüləri təngə gətirib.
Sakinlər Gencexeber.az-a müraciət edərək bildiriblər ki, yolun bir hissəsində aparılan qazıntı işləri səbəbindən küçədə vaxtaşırı tıxaclar yaranır.
Eyni zamanda piyadaların hərəkəti üçün nəzərdə tutulmuş hissə avtomobillərlə zəbt olunur, piyadaların yolu kəsilir.
Şikayətçilərin sözlərinə görə, sürücülər istədikləri yerdə maşın saxlayır, bu isə həm piyadaların hərəkətini çətinləşdirir, həm də avtomobil sıxlığının daha da artmasına səbəb olur.
Sakinlər aidiyyəti qurumlardan problemin həlli istiqamətində qəti addım atılmasını tələb edirlər.
