Gəncənin tanınmış ziyalısı Sevil Hüseynova vəfat edib
Gencexeber.az-ın məlumatına görə, Gəncənin ictimai həyatında silinməz iz qoymuş Sevil Hüseynova 83 yaşında dünyasını dəyişib.
Gəncə şəhərinin tanınmış ictimai-siyasi xadimi Sevil İsfəndiyar qızı Hüseynova 28 fevral 1942-ci il tarixində dünyaya gəlib. O, uzun illər boyunca müxtəlif rəhbər vəzifələrdə çalışıb.
1986–1988-ci illərdə Gəncə şəhəri Kəpəz rayonu Partiya Komitəsinin birinci katibi, 1989–1991-ci illərdə isə Gəncə şəhər Partiya Komitəsinin ikinci katibi vəzifələrində fəaliyyət göstərib.
Ziyalı xanımın rəhbərliyi zamanı Gəncədə bir çox sosial və mədəni işlər görülüb, sadə insanların rifahı üçün vacib addımlar atılıb. Sevil xanım xalqına sədaqəti və zəhməti ilə yadda qalıb.
