Məlum olduğu kimi, bu il Gəncə şəhərində III MDB Oyunlarının əsas yarışları keçiriləcək. Bununla əlaqədar olaraq Prezident İlham Əliyevin tapşırığına əsasən, şəhərdə genişmiqyaslı abadlıq və quruculuq işləri aparılır. Bu çərçivədə su-kanalizasiya layihələri tamamlanan bir sıra prospekt və küçələrdə asfaltlanma işləri həyata keçirilir.
Gencexeber.az bildirir ki, hazırda asfaltlanma işləri Nizami prospektində, o cümlədən Əlövsət Məmmədov və Əli Quliyev küçələrində davam etdirilir. Nizami prospektində köhnə asfalt qatı sıyrılır, qeyd olunan küçələrdə isə yeni asfalt örtüyü salınır. Eyni zamanda, Nizami və Atatürk prospektlərinin kəsişməsində çökmə baş verən yol hissəsində təmir-bərpa işləri görülür.
Qeyd edək ki, həyata keçirilən bu işlər şəhərin infrastrukturunun yenilənməsi, nəqliyyatın rahat və təhlükəsiz hərəkətinin təmin olunması, eləcə də beynəlxalq idman tədbirinə yüksək səviyyədə ev sahibliyi edilməsi baxımından mühüm əhəmiyyət daşıyır.
