Gəncə şəhərinin Sabir küçəsində yol örtüyü ilə bağlı acınacaqlı vəziyyət yaranıb.
Gencexeber.az-ın məlumatına görə, sözügedən ərazidə yol örtüyü tamet daşları ilə düşənib. Lakin qısa müddət sonra döşəmə dağılıb. Sakinlərin sözlərinə görə, yolun bu vəziyyətdə saxlanılması həm avtomobil sürücüləri, həm də piyadalar üçün ciddi çətinliklər yaradır.
Sürücülər bildirir ki, Sabir küçəsi onsuz da ensizdir və hazırkı vəziyyət uzun müddətli tıxaclara səbəb olur. Ərazidə nəqliyyatın intensivliyi artıb, bu isə xüsusilə səhər və axşam saatlarında hərəkəti iflic edir.
Qeyd edək ki, sözügedən küçə şəhərin əsas prospektlərindən olan Heydər Əliyev prospekti ilə Atatürk prospektini birləşdirən yollar arasındadır. Məhz bu səbəbdən, yolun uzun müddət təmirsiz qalması əhəmiyyətli nəqliyyat bağlantılarına da təsir göstərir.
Sakinlər məsul qurumlardan yolun təmirinə dərhal başlanmasını və işlərin tezliklə yekunlaşdırılmasını tələb edirlər.
