Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən şəhərin 29 saylı orta məktəb yolunun sağ və sol hissəsi, Adilxan Ziyadxanov, Aida İmanquliyeva və Şəddadilər küçəsində təmizlik işləri həyata keçirilib.
Gencexeber.az bildirir ki, adıçəkilən ünvanlarda müxtəlif tullantılar yığılaraq aidiyyəti üzrə daşınıb. Mövcud zibil konteynerləri boşaldılıb, ətrafları səliqəli şəklə salınıb. Yollarda və səkilərdə yabanı halda bitən alaq otları biçilib, yaşıllıq zolağına aqrotexniki qulluq göstərilib.
Təmizlik işlərinə MKTİB-nin xüsusi təyinatlı texnikaları və canlı qüvvəsi cəlb olunub.
