Gəncə şəhər Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələrinin əməkdaşları tərəfindən şəhərin dəmir yolu vağzalının yaxınlığında yerləşən "Dəmiryolçular" parkında təmizlik aksiyası keçirilib.
Gencexeber.az quruma istinadən məlumat verir ki, adıçəkilən məkan məişət tullantılarından, alaq otlarından və toz-torpaqdan təmizlənib.
MKTİB-nin canlı qüvvəsi və texnikası vasitəsilə yığılan tullantıların ərazidən daşınması təmin edilib. Aksiya çərçivəsində parkın ərazisində yerləşən Məmməd Əmin Rəsulzadənin büstü və 2-ci Dünya müharibəsinin xatirə abidəsinin ətrafında səliqə-sahman yaradılıb.
Ərazidə mövcud yaşıllıq zolağına aqrotexniki qulluq göstərilib, suvarılması təmin edilib. Məişət tullantıları üçün qoyulan konteynerlər boşaldılıb, ətrafı təmizlənib.
