Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən şəhərin Xəqani, Bayan, Totanlı və digər küçələrdə təmizlik işləri aparılıb.
Gencexeber.az bildirir ki, MKTİB-nin canlı qüvvə və xüsusi texnikaları vasitəsilə sözügedən ərazilərdə yol kənarlarına atılan müxtəlif məişət tullantıları yığılaraq ərazidən daşınması təmin edilib.
Küçə və döngələr təmizlənib, alaq otları biçilib, mövcud zibil qutularının ətrafında səliqə-sahman yaradılıb.
Aksiya çərçivəsində Sadıllı qəsəbəsindən keçən su arxında daşma təhlükəsini önləmək məqsədilə suyun axınına maneə yaradan tullantılar da yığılaraq ərazidən daşınıb, arxın ətrafı təmizlənib.
Gəncə şəhər MKTİB sakinlərdən bir daha xahiş edir ki, Sadıllı qəsəbəsindən keçən suvarma arxını zibilləməsinlər.
