Gəncə şəhərində sahibsiz küçə itlərinin çoxalması sakinlər arasında ciddi narazılıq yaradıb.
Gencexeber.az-ın məlumatına görə, bir qrup şəhər sakini Gəncə Şəhər İcra Hakimiyyətinin rəhbəri Niyazi Bayramova müraciət edərək küçələrdə rahat hərəkət edə bilmədiklərini, uşaqların, yaşlıların və qadınların təhlükə ilə üzləşdiklərini bildiriblər. Onların sözlərinə görə, sahibsiz itlərin dəstə halında küçələrdə dolaşması həm gündəlik gediş-gəlişdə çətinliklər yaradır, həm də insanlarda qorxu hissi doğurur. Vətəndaşlar şəhər rəhbərliyindən problemin həllinə dərhal müdaxilə edilməsini arzu ediblər.
Qeyd edək ki, Gəncədə 2023-cü ildə yaradılan “Yuva” heyvan sığınacağı ötən ilin yanvarında maddi çatışmazlıqlar səbəbilə fəaliyyətini dayandırıb. Həmin sığınacaqda saxlanılan itlərin bir çoxu isə şəhər ərazisinə buraxılıb.
Hazırda Gəncədə sahibsiz heyvan problemi aktuallığını qoruyur.
