Xalq artisti Şahnaz Haşımovanın daha bir nəvəsi dünyaya gəlib.
Gencexeber.az məlumat verir ki, bu gün Azərbaycan musiqi sənətinin görkəmli nümayəndəsi, Xalq artisti Şahnaz Haşımovanın ailəsində sevinc yaşanıb. Sənətkarın 7-ci nəvəsi anadan olub.
Elşah adlı körpə Gəncə Şəhər Birləşmiş Xəstəxanasının nəzdində fəaliyyət göstərən Perinatal Mərkəzdə doğulub.
Qeyd edək ki, Şahnaz Haşımova Azərbaycanın tanınmış muğam ustalarından biri olmaqla yanaşı, pedaqoji fəaliyyəti ilə də seçilir.
Sənətkar 1957-ci ilin 2 iyun tarixində Kirovabad (indiki Gəncə) şəhərində anadan olub. Şahnaz xanım “Azərbaycan SSR əməkdar artisti” (1989), “Azərbaycan Respublikasının xalq artisti” (2000) fəxri adlarına, Azərbaycan Respublikası Prezidentinin fərdi təqaüdünə (2016) və bir sıra mükafatlara layiq görülüb.
