Xəbər verdiyimiz kimi, prezident İlham Əliyevin sərəncamına əsasən, 2025–2026-cı tədris ili üçün tələbə qəbulu imtahanlarında ən yüksək nəticə göstərmiş 102 gənc Prezident təqaüdünə layiq görülüb.
Gencexeber.az bildirir ki, həmin gənclərdən biri də Gəncə şəhər 13 saylı orta məktəbin məzunu İsmayılov Alıdır.
Alı Vəfadar oğlu İsmayılov hər iki mərhələnin cəminə görə I ixtisas qrupu üzrə ən yüksək nəticəni (697.5 bal) göstərən abituriyentdir. O, imtahanın birinci mərhələsində 297.5 bal toplayıb.
Qeyd edək ki, Təqaüdün məbləği hazırda 350 manatdır. Prezident təqaüdü cari tədris ilinin birinci semestri üçün təyin olunur və bu müddətdən sonra həmin gənclərə təqaüdün verilməsinin davam etdirilməsi haqqında qərar onların təhsildəki göstəricilərinə uyğun olaraq ali təhsil müəssisəsinin təqdimatı əsasında Elm və Təhsil Nazirliyi tərəfindən qəbul edilir.
