Azərbaycanın qədim yaylaq ənənələrinin yaşadılması və təbliği məqsədilə 15–17 avqust tarixlərində keçirilən IV Milli Yaylaq Festivalı rəngarəng proqramla yadda qalıb.
Gencexeber.az məlumat verir ki, festivalda milli mədəniyyətimizi əks etdirən sərgilər, folklor nümunələri, qədim sənətkarlıq peşələrinin nümayişi, milli mətbəx guşələri və konsert proqramları təqdim olunub. Ziyarətçilər qədim Azərbaycan yaylaq həyatının zəngin ənənələri ilə tanış olmaq imkanı əldə ediblər.
Tədbirin ən yadda qalan məqamlarından biri isə Gəncənin məşhur sənətkarları – Haşımova bacılarının sərgilədikləri səhnə çıxışları olub. Respublikanın Xalq artisti, Prezidentin fərdi təqaüdçüsü Şahnaz Haşımova möhtəşəm ifası ilə tamaşaçıların alqışlarını qazanıb. Onunla yanaşı, bacısı – tanınmış müğənni, Əməkdar artist Aybəniz Haşımova və onun rəhbərlik etdiyi Sənət Akademiyasının tələbələri də festivalın bədii hissəsinə xüsusi ahəng qatıblar.
Haşımova bacılarının iştirakı festivalın bayram ovqatını daha da gücləndirib və IV Milli Yaylaq Festivalını musiqi və sənət baxımından unudulmaz edib.
https://www.facebook.com/Gencexeber.az/videos/1070146088442109/?__cft__[0]=AZUUyJzbBsp8-mWj49_W-I0YkBAz3juSIyJh-g9vVdeaxussAUaSDPuw3Ly2M0WmKCAfWaNQsuNUK4qFsJkWnRoi5GwyBPd46JO8-oF_FYGxVzGZU8b9O74c9jtjehBvrvGpznZzAUH8tbpfEU9V8Y0tkg5vzs71rJzGUtSt68eUnJHRjAQbr-aRTEji-vPxSNWcGiA8PhASSfTFMeXS5XIz&__tn__=%2CO%2CP-R
