Gəncə Dövlət Universitetinin təşkilatçılığı ilə 11-ci sinif şagirdləri arasında İngilis dili Olimpiadası keçirilib.
Gencexeber.az-ın məlumatına əsasən, Gəncə şəhər 24 nömrəli tam orta məktəbin şagirdi Mədinə Məmmədova yüksək nəticə göstərərək birinci yerin qalibi olub.
Mədinə Məmmədova 50 sualdan 49-na düzgün cavab verərək yarışmada ən yüksək nəticəni göstərib və birincilik əldə edib.
Onun bu uğuru Gəncə Dövlət Universitetinin rəhbərliyi tərəfindən xüsusi qiymətləndirilib. Belə ki, Mədinə Məmmədova universitet tərəfindən Fəxri Fərmanla təltif olunub.
