Gəncədə məktəb məzunu Kanadada təhsil üçün beynəlxalq təqaüd qazanıb.
Gencexeber.az-ın məlumatına görə, Birləşmiş Dünya Kollecləri (BDK) Milli Komitəsi tərəfindən keçirilən çoxmərhələli seçim prosesindən uğurla keçən Gəncə şəhəri Mir Cəlal Paşayev adına 39 nömrəli tam orta məktəbin məzunu Şəmsinur Məmmədzadəyə 2025–2027-ci illər üzrə 100 faiz tam təqaüd əsasında Kanadanın “Pearson College UWC” məktəbində təhsil imkanı təqdim edilib.
2008-ci il təvəllüdlü Şəmsinur Məmmədzadə UWC proqramı üzrə bu təqaüdü qazanan ilk və yeganə azərbaycanlı şagirddir.
Qeyd edək ki, Birləşmiş Dünya Kollecləri – BDK (United World Colleges, UWC) beynəlxalq təhsil hərəkatıdır.
