Balaca güləşçimiz fəxri kürsüyə qalxıb.
Gencexeber.az-ın məlumatına görə, Gəncə İdman Klubunda 26 İyun - Silahlı Qüvvələri Gününə həsr edilən güləş üzrə birincilik keçirilib. Yarışda Nizami yurdunu təmsil edənlərdən biri də Bünyamin Məmmədov olub.
20 kiloqram çəki dərəcəsində mübarizə aparan Bünyamin turnirin sonunda üçüncü yerə layiq görülüb. O, diplom və medalla təltif olunub.
Qeyd edək ki, Bünyamin Vətən müharibəsi iştirakçısı Fərid Məmmədovun övladıdır. Qazi Fizuli, Cəbrayıl və Xocavənd rayonları ərazisində Azərbaycanın ərazi bütövlüyü uğrunda döyüşüb.
