Gəncəli gənc müğənni Mövlud Zalı yol-nəqliyyat hadisəsinin iştirakçısı olub.
Gencexeber.az xəbər verir ki, 22 yaşlı Mövlud Zalının idarə etdiyi minik avtomobili şəhər ərazisində digər nəqliyyat vasitəsi ilə toqquşub. Qəza zamanı ciddi xəsarət alan olmasa da, hadisə yerinə təcili tibbi yardım çağırılıb.
Müğənni xəstəxanaya çatdırılıb, lakin ilkin tibbi müdaxilədən sonra evə buraxılıb. Həkimlər onun müalicəsinin ambulator şəkildə davam etdirilməsinə qərar veriblər.
Qeyd edək ki, bir müddət öncə Mövlud Zalının şəhidlərə həsr edilən və Gəncədə lentə alınan mahnı klipi izləyicilərə təqdim edilib.
