Mingəcevir şəhərində MMA (Qarışıq Döyüş Sənətləri) idman növünün tanıdılması və inkişafı məqsədilə seminar təşkil olunub.
Gencexeber.az-ın məlumatına görə, tədbir gəncəli Beynəlxalq dərəcəli hakim, dünya çempionu, Qərb regionu üzrə nümayəndə və baş məşqçi Səbuhi Məmmədovun təşəbbüsü ilə baş tutub. Seminarda iştirakçılara MMA və Braziliya ciu-Citsu idman növləri barədə nəzəri və praktiki bilgilər verilib.
Qeyd edək ki, layihənin əsas məqsədi bu döyüş sənətlərini regionlarda populyarlaşdırmaq və gənclər arasında onların inkişafına təkan verməkdir. Seminarın növbəti mərhələsinin Şəki şəhərində keçiriləcəyi bildirilib.
