Gəncə sakini olan Səbuhi Məmmədov MAA üzrə beynəlxalq yarışa dəvət alıb.
Gencexeber.az-ın məlumatına görə, Qlobal MMA Assosiasiyası (GAMMA) tərəfindən Braziliyanın San Paulo şəhərində MAA üzrə keçirilən dünya çempionatında Azərbaycan geniş tərkibdə təmsil olunur. 16-22 iyun tarixlərini əhatə edən nüfuzlu yarışda ölkəmizdən 10 idmançı və 2 baş məşqçi iştirak edir.
Azərbaycan MMA və Grappling Federasiyasının prezidenti Azad Əsgərov və eyni zamanda Gəncə şəhərindən olan beynəlxalq dərəcəli hakim Səbuhi Məmmədov da bu çempionatda ölkəmizi təmsil edənlər sırasındadır.
Səbuhi Məmmədov yarış zamanı göstərdiyi peşəkarlığa görə xüsusi qiymətləndirilib və onun hakimlik kateqoriyası rəsmi şəkildə yüksəldilib.
Yarışın gedişində Azərbaycan idmançılarının çıxışları da maraqla izlənilir və nəticələr yaxın günlərdə açıqlanacaq.
