Gəncəli influenser Aynişan Quliyeva dünyanın ən nüfuzlu kino tədbirlərindən biri olan 82-ci Beynəlxalq Venesiya Film Festivalına yollanacaq.
Olay.аz xəbər verir ki, məşhur “Armani Beauty” brendi gənc bloqeri festivalın rəsmi qonağı kimi İtaliyaya dəvət edib. Aynişan Quliyeva bu gün start götürəcək tədbirdə brendin xüsusi dəvətlisi qismində iştirak edəcək.
Məlumat üçün bildirək ki, festival sentyabrın 6-dək davam edəcək. Aynişan Quliyeva tədbirə “Foxy İnsider” şirkətinin vasitəçiliyi ilə qatılıb.
Qeyd edək ki, Aynişan Quliyeva Əməkdar artist Aybəniz Haşımovanın və I Qarabağ müharibəsi şəhidi Xalid Quliyevin qızıdır.
