"Cabir müəllimin vəfatı məni çox sarsıtdı. Onun yeddisi çıxmamış konsert verə bilmərəm".
Bunu Azxeber.com-a açıqlamasında Əməkdar artist Aybəniz Haşımova deyib.
O, oktyabrın 7-də Bakıdakı Dövlət Təhlükəsizlik Xidmətinin Mədəniyyət Evində planlaşdırılan konsertinin təxirə düşdüyünü bildirib:
"7 oktyabrda Dövlət Təhlükəsizlik Xidmətinin Mədəniyyət Evində konsertimiz baş tutacaqdı. Üzülərək bildirmək istəyirəm ki, konserti təxirə salmaq qərarı almışam. Çünki Cabir İmanovun vəfatı məni çox sarsıtdı. Günlərdir çox pisəm və konsert verəcək gücü özümdə toplaya bilmirəm. Konsertin vaxtını dəyişmişik, inşallah dəqiqləşəndə sevənlərimə məlumat verəcəyəm".
