Gəncəli güləşçi Vasif Bağırov medalları sıralamağa davam edir.
Gencexeber.az-ın məlumatına görə, Bolqarıstanın Samokov şəhərində keçirilən sərbəst güləş üzrə U-20 dünya çempionatında ölkəmizi Gəncə şəhər 1 nömrəli Uşaq Gənclər İdman Şahmat Məktəbinin yetirməsi Vasif Bağırov təmsil edib. Məşqçi Rauf Xəlilovun tələbəsi çıxış etdiyi 57 kiloqram çəki dərəcəsində bürünc medal qazanıb.
Qeyd edək ki, gəncəli sərbəst güləşçi bir müddət öncə İtaliyanın Kaorle şəhərində keçirilən U-20 Avropa çempionatının qızıl medalçısı olub.
Bundan başqa, Gəncə şəhər 1 nömrəli Uşaq-Gənclər İdman-Şahmat Məktəbinin yetirməsi Vasif Bağırov sərbəst güləş üzrə Avropa (U-17) və dünya çempionudur.
