Gəncəli gənc boksçu Nicat Abdullayev Bakı birinciliyində yüksək nəticə göstərib.
Gencexeber.az-ın məlumatına görə, ö, 44 kiloqram çəki dərəcəsində keçirdiyi 5 döyüşün hamısında qələbə qazanıb. İlk döyüşünü isə rəqibini nokauta salmaqla başa vurub.
Uğurlarına görə Nicat milli komandaya cəlb olunub, hazırda isə qarşıdakı gənclər və yeniyetmələr arasında Respublika turnirinə hazırlaşır:
“Mən 4 ildir Gəncədə boksla məşğulam. Məşqçim Elşad Yusibovun rəhbərliyi altında son 3 ayda Bakıda məşqlərimi davam etdirirəm. 16 ölkə arasında keçirilən turnirdə də iştirak etdim. İndi isə Respublika yarışlarına hazırlaşıram. İnşallah, MDB oyunlarında da iştirak edəcəyəm,” – deyə Nicat Abdullayev bildirib.
2009-cu il təvəllüdlü idmançı hazırda Gəncə şəhər Ə.Cavad adına 2 nömrəli tam orta məktəbin 11-ci sinif şagirdidir.
