Qazaxıstan Milli Elmi və İnnovativ Araşdırmalar Akademiyası tərəfindən təşkil olunan "Ən yaxşı məqalə – 2025" beynəlxalq müsabiqəsinin nəticələri elan edilib.
Gencexeber.az bildirir ki yeddi ay davam edən prosesin yekunlarına əsasən, Azərbaycan Dövlət Aqrar Universitetinin Aqrobiznes, menecment və marketinq kafedrasının dosenti Fərid Mehdiyev tərəfindən təqdim olunan elmi məqalə münsiflər heyəti tərəfindən 1-ci yerə layiq görülüb.
13 ölkədən – Azərbaycan, Türkiyə, Qazaxıstan, Özbəkistan, Böyük Britaniya, Qırğızıstan, Ermənistan, Belarus, Moldova, Birləşmiş Ərəb Əmirlikləri, Rusiya, Tacikistan və Türkmənistandan alimlərin qatıldığı müsabiqədə ümumilikdə 54 elmi məqalə nəşr üçün qəbul edilib.
Fərid Mehdiyevin elmi işi "SCIENCE AND EDUCATION: MODERN TIME" beynəlxalq elmi jurnalında ilk sırada dərc olunub və "Ən yaxşı məqalə" nominasiyası üzrə I dərəcəli diploma layiq görülüb.
