Xəbər verdiyimiz kimi, dünən axşam saatlarında “VAZ-21015” markalı avtomobillə “KİA” markalı nəqliyyat vasitəsi toqquşub. Nəticədə ikisi qadın olmaqla üç nəfər xəsarət alıb.
Gencexeber.az-ın əldə etdiyi məlumata görə, yaralanan qadınlardan biri Azərbaycan Kikboksinq Federasiyasının (AKF) Qərb regionunun media nümayəndəsi Vəsilə Nəbiyevadır. 26 yaşlı gənc başından ağır xəsarət alaraq Abbas Səhhət adına xəstəxanaya çatdırılıb.
“VAZ-21015” markalı avtomobilin sərnişini olan V.Nəbiyevanın baş nahiyəsinə tikişlər qoyulub. Xoşbəxtlikdən həyati təhlükəni adlayan qadının hazırda vəziyyəti kafidir.
Qeyd edək ki, qəza nəticəsində, həmçinin 1991-ci il təvəllüdlü Mədinə Əliyeva və 2002-ci il təvəllüdlü Samir Mustafayev müxtəlif dərəcəli bədən xəsarətləri alıblar. Yaralıların vəziyyətləri qənaətbəxşdir.
