Gəncənin Atatürk prospekti ilə Rüzgar Qasımov küçəsinin kəsişməsində təhlükəli hadisə qeydə alınıb.
Gencexeber.az-ın məlumatına əsasən, aztutumlu yük avtomobili vasitəsi ilə daşınan iri şüşələrdən biri yolun hərəkət hissəsinə düşərək qırılıb.
Hadisə nəticəsində şüşə qırıntıları yola dağılıb, həmçinin yaxınlıqda hərəkət edən digər avtomobilin üzərinə tökülüb.
Əraziyə polis əməkdaşları cəlb olunub, yolda hərəkətin təhlükəsizliyi təmin edilib.
Xoşbəxtlikdən xəsarət alan olmayıb. Avtomobilə ziyan dəyməyib.
Hazırda yolda hərəkətin təmizlənməsi istiqamətində tədbirlər davam etdirilir.
