Gəncədə yeniyetmənin qətlinin bəzi detalları üzə çıxıb.
Unikal.аz xəbər verir ki, qətlə yetirilən Tunar Məmmədova hadisəni törədən Arif Hətəmovun 10 manat borcu olub. Bu səbəbdən tərəflərə arasında bir neçədə dəfə mübahisə olub.
Hadisədən əvvəl A.Hətəmov 10 manat borcunu Tunar Məmmədova qaytarıb. Sonra hadisəni törədən şəxs Tunar Məmmədovu şəhərin Natavan qəsəbəsində dəmiryolu xəttinin yaxınlığına söhbət etmək üçün çağırıb. Yenidən tərəflər arasında mübahisə düşüb. Bu zaman Arif Hətəmov özü ilə gətirdiyi bıçaqla Tunar Məmmədovu vurub.
Xəsarəti alan yeniyetmə dərhal xəstəxanaya aparılıb. Lakin həkimlər onun həyatını xilas edə bilməyiblər.
Məlumata görə, yeniyetmələr dost olub.
Faktla bağlı araşdırma aparılır.
