Yenilənmiş Gəncə şəhəri M.Füzuli adına 22 nömrəli tam orta məktəb və Goranboy şəhəri 4 nömrəli tam orta ümumtəhsil məktəbinə X sinif şagirdlərinin qəbuluna start verilir.
Gencexeber.az bildirir ki, bununla bağlı Gəncə-Daşkəsən Regional Təhsil İdarəsi məlumat yayıb.
Belə ki, 2025–2026-cı tədris ilində 9 illik ümumi orta təhsil səviyyəsi üzrə buraxılış imtahanlarında 150 və daha çox bal toplayan şagirdlər qeyd olunan məktəblərdə təhsil ala bilərlər.
Tam orta məktəbdə nəzərdə tutulan əsas komponentlər:
İxtisaslaşdırılmış fənn kabinetləri;
İxtisaslı kadr təminatı;
Karyera yönümlü və peşə hazırlığı;
Psixoloji və sosial dəstək xidmətləri;
Texnologiya əsaslı tədris;
İştirakçı idarəetmə;
İxtisas qruplarına uyğun intensivləşdirilmiş tədris planları;
Təcrübəli və peşəkar müəllim heyəti;
Aylıq bilik və bacarıqların qiymətləndirilməsi məqsədi ilə sınaq
imtahanlarının təşkili;
Şagirdlərin hərtərəfli inkişafını təmin edən məktəbdənkənar fəaliyyətlər.
Qeydiyyat üçün link.
Nəzərinizə çatdırırıq ki, qeydiyyat üçün son tarix 20 avqustdur.
