Gəncədə yenilənən yol örtüyündə dərin çuxurlar əmələ gəlib.
Gencexeber.az-ın məlumatına görə, Yeni Gəncə qəsəbəsinin Bayan küçəsində, "Təndir Kürə" mağazasının yaxınlığında yenicə asfaltlanan yolda çatlar və dərin çuxurlar yaranıb. Sakinlərin sözlərinə görə, vəziyyət artıq 20 gündən çoxdur davam edir.
Bundan başqa, həmin ərazidə yeraltı su borusunun partlaması nəticəsində su küçəyə axır.
Şəhər sakinləri bildirir ki, bir neçə gün öncə həmin yolda bir nəfər ayağından xəsarət alıb. Onlar aidiyyəti qurumlardan problemin tez bir zamanda həll edilməsini tələb edirlər.
