Yay mövsümünün isti və quraqlı keçməsi nəzərə alınaraq Gəncədə mövcud yaşıllıqların vaxtı-vaxtında suvarılması nəzarətdə saxlanılır.
Gencexeber.az bildirir ki, bu məqsədlə Gəncə şəhər Mənzil Kommunal Təsərrüfatı İstehsalat Birliyinin (MKTİB) su çiləyici maşınları vasitəsilə, həmçinin əksər yerlərdə qurulan damcı və çiləmə üsulu ilə hər gün suvarma işləri həyata keçirilir.
Ümumilikdə şəhərin prospektlərində, küçələrində, yol kənarlarında, park və istirahət mərkəzlərində, xiyabanlarda mövcud və yeni salınan yaşıllıqlara lazımi aqrotexniki qulluq göstərilir, suvarma işləri gücləndirilmiş qaydada aparılır.
Görülən işlər anomal istilərin ağaclara, kollara, güllərə və qazona vura biləcək təsirləri minimuma endirmək məqsədi daşıyır.
