Xəbər verdiyimiz kimi, Gəncədə fərdi yaşayış evi yanıb.
Gencexeber.az-ın məlumatına əsasən, hadisə nəticəsində Gəncə şəhər sakini 1958-ci il təvəllüdlü Şərif Musayev xəsarət alıb.
Yaralı Gəncə şəhərində yerləşən xəstəxanalardan birinə göndərilib. Ona ilkin tibbi yardım göstərilib, vəziyyəti kafidir.
İlkin məlumata görə, 45 kv m-dən ibarət olan yarımtikili əşyaları ilə birgə yanıb. Alovun digər evlərə keçməsinin qarşısı alınıb.
Hadisə yerinə Gəncə şəhər Dövlət Yanğından Mühafizə İdarəsinin üç yanğın söndürən avtomobili və iyirmidən artıq canlı qüvvə cəlb olunub. Alovun söndürülüb.
16:19
Gəncədə fərdi yaşayış evi yanır.
Gencexeber.az-ın məlumatına əsasən, hadisə Yeni Gəncə qəsəbəsində, fərdi yaşayış evlərindən birində qeydə alınıb.
İlkin məlumata görə, evdə anidən yanğın başlayıb.
Hadisə yerinə Gəncə şəhər Dövlət Yanğından Mühafizə İdarəsinin yanğın söndürənləri və canlı qüvvəsi cəlb olunub. Alovun söndürülməsi istiqamətində tədbirlər görülür.
