Gəncə şəhərində oksigen kompressorunun yandığı xəstəxanada bərpa işləri aparılır.
Gencexeber.az-a bu barədə TƏBİB-dən məlumat verilib.
“İyunun 11-də saat 10:50 radələrində Gəncə Şəhər Birləşmiş Xəstəxanasının nəzdində olan Abbas Səhhət adına xəstəxanada oksigen kompressorunda nasazlıq yaranıb, hazırda bərpa işləri davam etdirilir. Hadisə ilə əlaqədar iki pasiyent Akademik Z.Məmmədov adına xəstəxanaya təxliyə edilib, müalicələri davam etdirilir.
Əlavə edək ki, Abbas Səhhət adına xəstəxanada tibbi xidmətlərin göstərilməsində fasilə yaranmayıb”, - məlumatda qeyd olunub.
12:02
Gəncə şəhər Birləşmiş Xəstəxanasının Abbas Səhət adına 1 saylı Xəstəxanasında oksigen balonu yanıb.
Gencexeber.az-ın məlumatına əsasən, xəstəxananın reanimasiya şöbəsində olan xəstələr Gəncə şəhər Zülfüqar Məmmədov adına 3 saylı xəstəxanaya köçürülür.
İlkin məlumata görə, təxminən 10-dan artıq xəstə təxliyə olunub.
Hazırda Abbas Səhət adına xəstəxanada işıqlar söndürülüb, bəzi xidmətlər dayandırılıb.
