Azərbaycan Texnologiya Universitetinin yaradıcı tələbələri maraqlı və fərqli bir layihəyə imza atıblar.
Gencexeber.az məlumat verir ki, onlar universiteti tanıtmaq məqsədilə süni intellektin imkanlarından yararlanaraq xüsusi videoçarx hazırlayıblar.
Təqdimatda dünya elminin ən görkəmli simalarından biri olan Albert Eynşteyn obrazı canlandırılıb və onun təqdimatında universitet haqqında məlumatlar izləyicilərə çatdırılıb. Bu yanaşma həm abituriyentlərin diqqətini cəlb etməyi, həm də universitetin tədris mühitini müasir və innovativ formada təqdim etməyi hədəfləyib.
Layihə tələbələrin yalnız yaradıcılıq potensialını deyil, eyni zamanda müasir texnologiyalardan səmərəli istifadə bacarıqlarını da nümayiş etdirir. Videoçarx, həm təhsil müəssisəsinin imkanlarını, həm də gənclərin texnoloji yanaşmalarını əks etdirən uğurlu bir nümunə kimi dəyərləndirilir.
