Gəncədə yarım əsrə dayanan məzun görüşü baş tutub.
Gencexeber.az-ın məlumatına görə, Gəncə Dövlət Universitetinin (GDU) Kimya-biologiya fakültəsinin 1977-ci il məzunları 48 ildən sonra ilk dəfə bir araya gəliblər.
Uzun illərin həsrəti, tələbəlik xatirələrinin sevinci və duyğulu anlarla yadda qalan görüşdə məzunlar həmin illərin ab-havasını yenidən yaşayıblar. Tədbirdə 1970-ci illərin sonlarına aid tələbəlik fotoları nümayiş olunub, məzunlar bir-biriləri ilə xatirələrini bölüşüb, müəllimlərini ehtiramla yad ediblər.
