Gəncədə qurumuş sərv ağacı axır ki kəsildi.
Gencexeber.az-ın məlumatına görə, Gəncə şəhəri Nizami bələdiyyəsinə Əli Nəzmi küçəsi, ev 64 ünvanında yol kənarında yerləşən sərv ağacının quruması ilə bağlı aidiyyəti üzrə aylar öncə müraciət olunub. Bildirilib ki, ağac artıq bioloji inkişafdan dayanıb və kəsilməlidir.
Qurum tərəfindən aparılan baxış zamanı 16 metr hündürlüyü olan ağacın heç bir xarici müdaxilə olmadan tam şəkildə quruduğu təsdiqlənib. Buna baxmayaraq, yerli sakinlərin dəfələrlə etdiyi müraciətlərə rəğmən, qurumuş ağac dünənə qədər kəsilməyib.
Redaksiyamız tərəfindən sözügedən məsələ yenidən gündəmə gətirildikdən sonra həm ətraf ərazilərdə yaşayanlar, həm də hərəkətdə olan vətəndaşlar üçün potensial təhlükə mənbəyi olaraq qalan ağac kəsilərək ərazidən uzaqlaşdırılıb.
