Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən şəhərin Sadıllı qəsəbəsində, Şah İsmayıl Xətai prospektində, Xəqani, Mikayıl Rəhimov və Bağmanlar küçəsində təmizlik işləri görülüb.
Gencexeber.az quruma istinadən bildirir ki, adıçəkilən ünvanlar MKTİB-nin canlı qüvvə və xüsusi texnikaları vasitəsilə məişət tullantıları və toz-torpaqdan təmizlənib, alaq otları biçilib, mövcud zibil qutularının ətrafında səliqə-səhman yaradılıb.
Bundan başqa iməcilik işləri çərçivəsində Sadıllı qəsəbəsindən, Xəqani və Bağmanlar küçəsindən keçən su arxlarında, daşma təhülkəsini önləmək məqsədilə suyun axınına mane yaradan tullantılar da yığılaraq ərazidən daşınıb.
