Gəncə şəhərində 4 nömrəli marşrut xətti üzrə hərəkət edən ictimai nəqliyyat vasitələrinin təhlükəli vəziyyətdə istifadəsi ilə bağlı narahatlıq yaranıb.
Gencexeber.az-a daxil olan şikayətə əsasən, 4 nömrəli marşrut avtobusu qapıları açıq vəziyyətdə hərəkət edir. Bu, sərnişinlərin təhlükəsizliyi üçün ciddi risk yaradır. Bildirilib ki, qapıların açıq vəziyyətdə olması xüsusilə ayaq üstə gedən sərnişinlərin yıxılaraq xəsarət alması ilə nəticələnə bilər.
Bundan əlavə, təqdim olunan görüntülərdən də göründüyü kimi, digər marşrutların birində köhnə "Mercedes" markalı avtobuslardan istifadə olunur.
Vətəndaşlar aidiyyəti qurumlardan avtobusların texniki vəziyyətinin yoxlanılmasını və bu kimi halların qarşısının alınmasını tələb edirlər. Onlar həmçinin sürücülərin məsuliyyətli davranışa təşviq olunmasının vacibliyini vurğulayırlar.
