Gəncə şəhərində məişət tullantılarının vaxtında daşınmaması ilə bağlı narazılıq yaranıb.
Gencexeber.az-a daxil olan müraciətdə şikayətçi bildirib ki, Məmməd Xələfov küçəsində, Abbas Səhhət adına 1 saylı xəstəxananın qarşısında yerləşən tullantı qabları dolub-daşır.
Sakinlərin sözlərinə görə, uzun müddətdir ərazidə tullantıların daşınmasında fasilələr yaranır. Bu səbəbdən zibillikdən üfunət yayılıb, ətrafda sanitar-gigiyenik şərait pozulub. Xüsusilə də xəstəxananın yaxınlığında belə bir mənzərənin olması narahatlıq doğurur.
Qonşuluqda yaşayanlar bildirirlər ki, məsələ ilə bağlı aidiyyəti qurumların tədbir görməsi və tullantıların vaxtında daşınmasının təmin olunması vacibdir.
