Gəncədə sahibsiz itin hücumu nəticəsində 29 yaşlı qadın xəsarət alıb.
Gencexeber.az-ın məlumatına görə, hadisə Nəriman Nərimanov prospektində yerləşən 1 saylı binanın qarşısında baş verib. Yaralı qadın yaxınlarının köməyi ilə dərhal Gəncə şəhər 3 nömrəli poliklinikaya çatdırılıb. Ona ilkin tibbi yardım göstərilib və quduzluğa qarşı zərdab vurulub.
Bildirilib ki, müalicə proseduruna uyğun olaraq qadına növbəti həftələrdə daha bir neçə iynənin vurulması planlaşdırılır.
Bina sakinləri isə ərazidə sahibsiz itlərin çoxalmasından narahatdır: “İtlər hamıya cumur. Aidiyyəti qurumlara müraciət etmişik, amma heç bir tədbir görülmür”.
