Gəncə şəhərində ömrünü başa vuran, eləcə də quruyaraq təhlükə mənbəyinə çevrilən iri gövdəli ağacların götürülməsi prosesi davam etdirilir.
Gencexeber.az bildirir ki, Şəhər Mənzil Kommunal Təsərrüfatı İstehsalat Birliyinin Yaşıllaşdırma şöbəsinin əməkdaşları və qurumun xüsusi təyinatlı texnikaları vasitəsilə Əbülüla Gəncəvi və Cavadxan küçəsinin kəsişməsində bir hissəsi yandırılan iri gövdəli çinar ağacı kəsilərək ərazidən götürülüb.
Gəncənin estetik görünüşünü pozan və sakinlərin haqlı narazılığına səbəb olan bu kimi, bioloji ömrünü başa vuran ağacların götürülməsi prosesinə artıq bir müddətdir ki, start verilib.
