Gəncə şəhərində ömrünü başa vuran, eləcə də quruyaraq təhlükə mənbəyinə çevrilən iri gövdəli ağacların kəsilməsi prosesi davam etdirilir.
Gencexeber.az bildirir ki, Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin əməkdaşları və qurumun xüsusi təyinatlı texnikaları vasitəsilə Nəriman Nərimanov və Nizami Gəncəvi prospektində, Əhməd Cəmil küçəsində, həmçinin bir neçə ərazidə budama və qurumuş ağacların götürülməsi işləri görülüb.
Ekologiya və Təbii Sərvətlər Nazirliyi və MKTİB tərəfindən şəhər ərazisində aparılan birgə monitorinqlər zamanı 500-dən artıq quru ağac müəyyən edilib və bu günə qədər 250-ə yaxın bioloji ömrünü başa vuran ağac kəsilərək götürülüb. İşlər mərhələli şəkildə davam etdirilir.
