Gəncədə qeyri-adi oğurluq hadisəsi baş verib.
Gencexeber.az-ın məlumatına görə, “VAZ-2107” markalı avtomobildən düşən naməlum şəxs “Gəncə ekzotik” meyvə-tərəvəz dükanının qarşısında sərgilənən qarpızlardan birini seçib. O, heç bir ödəniş etmədən meyvəni götürərək avtomobilinə əyləşib və ərazidən uzaqlaşıb.
Hadisə anı marketin təhlükəsizlik kameralarına tam şəkildə düşüb. Kadrlarda şəxsin rahatlıqla yaxınlaşdığı, qarpızı seçdiyi və təmkinlə maşınına minərək hadisə yerini tərk etdiyi görünür.
Qeyd edək ki, yayılan görüntülərdə kameranın üzərindəki 23 iyul 2023-cü il tarixi cihazın quraşdırılma tarixini göstərir. Hadisə 2025-ci il iyunun 8-dən 9-na keçən gecə, saat 04:30 radələrində baş verib.
Faktla bağlı araşdırma aparılır.
